શીખંડ

શીખંડ

Ingredients - સામગ્રી

• ૧ લિટર દૂધ
• ૧ નાની ચમચી મોળું દહીં
• ૨૦૦ ગ્રામ ખાંડ
• કેસર
• ઇલાયચી

શીખંડ બનાવવાની 2 રીતો છે:

રીત:૧:

• મલાઇવાળા હૂંફાળા દૂધમાં ૧ નાની ચમચી મોળું દહીં નાખી મેળવવું.મેળવણ નાખેલું દૂધ ગરમ જગ્યાએ,ગેસ નજીક કે ગરમ તપેલી ઉપર મૂકવું.દહીં જલદી થઇ જશે.
• આ દહીંને કપડામાં બાંધી,અધ્ધર લટકાવી,મસ્કો તૈયાર કરવો.
• કંતાન પર ધોતિયા જેવું ઝીણું કપડું પાથરી,તેના પર દહીં મુકવાથી મસ્કો જલ્દી તૈયાર થાય છે.લગભગ ૪૦૦ ગ્રામ મસ્કો તૈયાર થશે.
• ચાળણીમાં થોડોક મસ્કો ચળવો.થોડીક ખાંડ નાખવી.આમ વારાફરતી બંને ચાળવાં.
• તેમાં ઇલાયચીનો ભૂકો અને કેસર નાખવાં.જે વસ્તુનો શીખંડ બનાવવો હોય તે વસ્તુ તેમાં નાખી શકાય. (મેંગો,પાઇનેપલ,બદામ,કાજુ,દ્રાક્ષ વગેરે.)

રીત:૨:

• મલાઇવાળા હૂંફાળા દૂધમાં ૧ નાની ચમચી મોળું દહીં નાખી મેળવવું.૨ નાની ચમચી મોળું દહીં નાખી મેળવવું.૨ નાની ચમચી કોર્નફ્લોર થોડાક ઠંડા દૂધમાં ઓગાળી હૂફાંળા દૂધમાં નાખવું.
• દહીં તૈયાર થઇ જાય ત્યારે કપડામાં બાંધી,અધ્ધર લટકાવી,મસ્કો તૈયાર કરવો.
• ખૂબ ગરમી હશે અને મસ્કો કરવા બહાર લટકાવવામાં આવશે તો ખાટો થઇ જશે.આવી પરીસ્થિતિમાં દહીં કાણાવાળા વાડકામાં કાઢી,તેની નીચે તપેલી મૂકી ફ્રિજમાં મૂકવું.તેથી મસ્કો મોળો રહેશે.
• મસ્કા કરતાં અડધી ખાંડ લેવી.

ટીપ :

• હૂંફાળા દૂધમાં ૧ નાની ચમચી મોળું દહીં નાખી,બાઉલને કેસરોલમાં મૂકવાથી દહીં જલ્દી થાય છે.